Abante Tonite
Mabilis sa Balita

10 DH timbog sa money laundering, online scam

0 183

Arestado ng mga awtoridad sa Hong Kong ang isang residente rito at 10 domestic helper (DH) na sangkot diumano sa money laundering at online scam.

Base sa ulat ng South China Morning Post, maraming bank account sangkot sa scam at pinaniniwalaang ginamit ang pondo para sa online fraud cases na iniulat sa Hong Kong at ibang bansa.

Sa inisyal na imbestigasyon, milyon-milyong dolyar ang sangkot sa money laundering gamit ang mga bank account. May mga pera din umano galing Hong Kong na pinadala sa ibang bansa.

Nagsimula ang imbestigasyon nang matangayan ng HK$2 million ang isang babaeng taga-Hong Kong.

SM food to go Banner Ad

Isang online love scammer umano ang nagpakilala bilang American-born Korean businessman at kinaibigan ang biktima hanggang sa mahulog ito sa patibong. Matapos ibigay ang pera, hindi na na-contact pa ang suspek kaya nag-report ang biktima.

Matapos matukoy ang mga sangkot sa sindikato ay nagsagawa ng raid ang pulisya at naaresto ang 11.

Sampu sa mga suspek ay dayuhang DH sa Hong Kong. Subalit hindi binanggit sa ulat kung ano ang nationality ng mga ito.

Isa umano sa mga suspek na DH ang naghikayat sa mga kabaro para magbukas ng bank account at bibigyan sila ng pera bilang gantimpala.

Leave A Reply

Your email address will not be published.