WebClick Tracer

Sunday, September 25, 2022

MORNING NEWS
NIGHTLY NEWS
BREAKING NEWS
ALL NEWS
ONLINE
RADIO
NEWS

Tarlac, Davao nanguna sa bagong kaso ng COVID

Naitala ang pinakamaraming bagong kaso ng COVID-19 infection sa lalawigan ng Tarlac na may 211 pasyente, base sa datos na inilabas ng Department of Health (DOH) hanggang alas-kuwatro ng hapon nitong Sabado, Nobyembre 21.

Batay pa sa DOH COVID-19 Case Bulletin No. 252, kabilang sa mga probinsya o siyudad na maraming bagong kaso ang Davao City, 115; Laguna, 74; Cavite, 69; at Negros Occidental, 65.

Lumobo na sa 416,852 ang kabuoang kaso ng COVID-19 infection sa buong bansa matapos na makapagtala ng panibagong 1,791 nitong Sabado, ayon sa DOH.

Umakyat naman sa 375,548 ang bilang ng mga pasyenteng nakarekober sa COVID-19 matapos na makapagtala ng 328 katao na panibagong gumaling.

Samantala, nasa 8,080 na ang kabuoang bilang ng mga nasawi sa COVID-19 dahil sa naitala na 55 bagong namatay.

Mula naman sa kabuuang bilang ng COVID-19 infection sa bansa ay 33,224 ang aktibong kaso.(Juliet de Loza-Cudia)