Inaabangan na umano ng mga tao ang ipinangako ng gobyerno na 200 megabits per second (mbps) internet speed para sa mga ahensiya ng gobyerno kapag nakumpleto ang phase 1 ng National Broadband Plan (NBP), ayon kay Senadora Grace Poe.
“We expect that by February 2022, we will actually feel the 200 Mpbs speed as committed by the government,” pahayag ni Poe sa interpelasyon sa panukalang badyet ng Department of Information and Communications Technology (DICT).
Sabi ni Poe, chairman ng Senate committee in public services, patuloy na susuportahan ng Senado ang NBP na naglalayong palakasin ang kalidad ng koneksiyon ng internet sa bansa. (Dindo Matining)
