Ni: VINIA VIVAR
Sobrang crush pala ni Zeinab Harake si Marian Rivera. Inamin niya ito sa ginanap na grand media launch niya last Friday bilang brand ambassador ng mga bagong oral care product ng Beautedem.
“Nine years old pa lang ako, siya ‘yung pine-peg ko, sa ngiti ko, sa galaw ko, as in loding-lodi,” sey ni Zeinab na kinikilig pa.
Kwento naman ng President and CEO ng Beutederm na si Rhea Anicoche-Tan, nag-follow nga raw si Marian sa social media account ni Zeinab at nangisay daw ito talaga sa sobrang tuwa.
“Pwede na raw siyang mamatay. Patay agad?” kuwento ni Miss Rei.
Sey naman ni Zeinab, “talagang naglupasay ako. Napa-tweet din po ako. Sabi ko, ‘binuo ni ate Yan ‘yung araw ko.”
Kuwento pa niya, morning daw ‘yun nang i-follow back siya ni Marian at kagigising lang niya.
“So, pagkagising ko, para talaga akong mangisay-ngisay,” natatawa pang tsika ni Zeinab.
Pero bago mag-isip ng kung ano ang iba, may lalaki ring celebrity crush si Zeinab at ito ay walang iba kungdi ang nag-iisang Piolo Pascual.
“Si Sir Piolo, nag-comment siya sa isang TikTok video ko. ‘Arat na’ sabi niya. Eh signature ko po ‘yung ‘arat na’ sa YT (YouTube) channel ko. Nun’g nag-comment siya ng ‘arat na’ du’n, kilig na kilig ako,” masayang kwento ni Zeinab.
Ang ibig sabihin daw ng ‘arat na’ ay ‘tara na.’
Dahil dito ay pinangakuan daw siya ni Miss Rei na pagsasamahin sila ni Papa P. since endorser din ng Beautederm ang aktor at hindi lang siya kungdi pati si Marian.
Kaya sey ni Zeinab ay excited na siyang makasama ang dalawang crush sa Beautederm.
“’Yun po ‘yung mga nilu-look forward kong makasama sa mga magiging work ko dito,” sabi pa ni Zeinab.
Given the chance ay gusto rin daw niyang maka-collaborate si Piolo sa kanyang YouTube channel na tipong “24 hour-challenge.”
Anyway, Zeinab is endorsing Koreisu Family Toothpaste, Koreisu Whitening Toothpaste, Etré Clair Refreshing Mouthwash at Etré Clair Mouth Spray, all from Beautederm.
