INJURED sina Scottie Barnes at Pascal Siakam, nagawan ng paraan nina OG Anunoby, Fred VanVleet at Chris Boucher na ihatid ang Toronto sa 105-100 panalo kontra kay Luka Doncic at Dallas sa 77th National Basketball Association 2022-23 regular season game sa Sotiabank Arena nitong Sabado.
Nagsumite si Anunoby ng 26 points at 9 rebounds, may 26 markers, 6 boards at 7 assists si VanVleet at tumapos ng double-double na 22 pts., 13 rebs. si reserve Boucher para sa Raptors (10-9).
Naubusan ang 24 pts. ni Doncic at 16 ni Dorian Finney Smith sa Dallas (9-9). May 7 rebs. at 9 asts. pa si Doncic, 8 of 15 mula sa floor at 2 for 4 sa 3s.
Kinamada ni Anunoby ang 12 pts. niya sa fourth quarter huli ang final 2 free throws na nagselyo sa panalo.
Sa basket ni Doncic 26 seconds sa laro ay dumikit ang Mavs 101-100 pero agad sumagot ng dalawang free throws si Thad Young. Ginamit ng Dallas ang huling timeout para magkrokis ng play, nawala naman kay Finney-Smith ang bola. (Vladi Eduarte)
