NILADLAD ni Go Aydan Go ang liksi upang mamayagpag sa Philracom (Philippine Racing Commission) 3-Year-Old & Above Maiden Race Miyerkoles ng gabi sa Metro Manila Turf Club Inc. sa Malvar/Tanauan, Batangas.
Kinubabawan ni jockey Jommel Lazaro, pumoste ang kabayo ng tiyempong 1:14 minuto sa 1,200 meter race upang hamigin ni winning horse owner Ed Gonzalez ang P20K premyo.
Sumegundo si Marikit, tumersero si Ark Of Gold at pumang-apat si Kingwash Pogi Bato na ginabayan ni MP Canete.
Ang kagapan ay isa sa walong pinatakbong karera ng MMTCI na lahat ay sinuportahan ng Philracom. (Elech Dawa)
