Mga laro ngayobg Linggo:
(Ynares Center/Antipolo)
4:30pm – Converge vs Magnolia
6:45pm – SMB vs Phoenix
NAGING mas steady ang pulso ng NLEX sa dulo para ipreserba ang 121-112 panalo kontra NorthPort sa second game ng PBA Governors Cup sa Ynares Center-Antipolo Sabado ng gabi.
Tumapos si Jonathon Simmons ng 33 points, 8 rebounds, 5 assists panapal sa kanyang 7 turnovers tungo sa 2-0 card ng Road Warriors. Umayuda ng 23 points si Don Trollano, may 18 markers at 6 assists si Kevin Alas at 16 points kay Sean Anthony.
Huling tumabla ang Batang Pier 104-104 sa drive ni Roi Sumang kalagitnaan ng fourth, sinindihan ni Alas ang 8-0 run ng Road Warriors para manatili sa unahan at hindi na bumitaw.
Kinapos ang 30 points ni Marcus Weathers at 23 ni Arvin Tolentino sa NorthPort na nabaon sa 0-3.
Ginulat ng Terrafirma (1-1) ang Meralco (2-1) 96-88 sa first game sa likod ng 30 points ni Juami Tiongson at 29 ni Jordan Williams.
Umayuda ng 13 points, 10 rebounds si Eric Camson tampok ang rebound sa sariling mintis mula sa 3-point range para isubo ang layup tungo sa 92-84 lead 23 seconds na lang. (Vladi Eduarte)
