NI: ROLDAN CASTRO
Patindi nang patindi ang mga eksena sa high-rating GMA Afternoon Prime series na Unica Hija!
Finally, nakita na ni Diane (Katrina Halili) ang human clone ng kanyang anak na si Hope (Kate Valdez). Hindi tuloy napigilan ng avid viewers na ma-excite at maiyak sa pinakahihintay nilang reunion.
Say ng mga fan sa GMA Drama Facebook page, “Napalundag naman ako sa dami ng ganap! Hindi ko rin namalayan umiiyak na pala ako kasi ang daming trials na nangyari kay Hope. Galing nina Kate Valdez at Katrina Halili umarte. Sana hindi na sila magkahiwalay ulit!”
Matanggap kaya ni Diane ang clone ng kanyang unica hija? Samantala, dalang-dala rin ang mga netizen matapos mabisto ang panloloko ni Carnation (Faith Da Silva)! Matitigil na ba ang pagpapanggap niya bilang anak ni Diane? “Nakatutuwa nabuko na ‘yung Carnation na yun. Oy pekeng Hope, magwawakas na ang panloloko niyo!”
Marami pang plot twists na mangyayari kaya tutukan ang Unica Hija tuwing Lunes hanggang Biyernes, 3:25 p.m. sa GMA-7.
Movie line-up ng G! Flicks abangers
Marami na namang dapat abangan ang Kapuso viewers sa mga movie na ipalalabas sa GTV this February!
Tampok sa high-rating movie block na “G! Flicks” ang iba’t ibang Hollywood blockbuster films na hatid para sa mga Kapuso.
Kabilang diyan ang Jurassic World ni Chris Pratt (February 6); The Accountant ni Ben Affleck (February 7); Crank 2 ni Jason Statham (February 8); Shaolin ni Jackie Chan (February 9); at Resident Evil: Extinction ni Milla Jovovich (February 10).
Mapapanood din si Elizabeth Olsen sa Godzilla (February 13), na susundan naman ng Never Back Down Revolt ni Michael Bisping (February 14); Shinjuku Incident ni Jackie Chan (February 15); Resident Evil: The Final Chapter ni Milla Jovovich (February 16); at Terminator 3: Rise of the Machines ni Arnold Schwarzenegger (February 17).
Tuluy-tuloy ang aksyon sa February 20 kasama si Jackie Chan sa The Accidental Spy, kasunod ang Mr. and Mrs. Smith nina Brad Pitt at Angelina Jolie sa February 21; Overheard II ni Louis Koo sa February 22; Birds of Prey ni Margot Robbie sa February 23; Skyfall ni Daniel Craig sa February 24; at Mimic III: Sentinel ni Karl Geary sa February 25.
Pwede ring balikan sa G! Flicks ang hit action movies na Rush Hour 3 ni Jackie Chan (February 27) at Under Siege ni Steven Seagal (February 28). Nakalinya na rin ang mga movie sa unang linggo ng Marso kabilang ang Casino Royale ni Daniel Craig (March 1); Overheard 3 ni Louis Koo (March 2); The Last Samurai ni Tom Cruise (March 3); at Unmatchable Match ni Stephen Chow (March 4).
Tutukan ang exciting movies sa G! Flicks, Lunes hanggang Biyernes (8PM) at tuwing Sabado (6:15PM) sa GTV.
