UMAASA pa rin ang US Tennis Association na makakapasok na si Novak Djokovic sa bansa para pumalo sa US Open sa August.
Nag-withdraw ang Serbian netter sa mga torneo sa Florida at California dahi hindi puwedeng pumasok ng US bunga ng kawalan ng bakuna kontra COVID-19.
White House ang nagbabalangkas ng polisiya sa mga makakapasok sa bansa.
“No COVID-19 restrictions are in place at the US Open for any player, fan or other attendee. Novak, one of our sport’s great champions, would be welcome to compete at the 2023 US Open,” ani USTA spokesman Chris Widmaier sa AP.
Magsisimula ang US Open sa Aug. 28 sa Flushing Meadows.
Hindi pumalo sa huling grand slam ng 2022 si Djoko, absent din siya sa Miami Open at BNP Paribas Open. (Vladi Eduarte)
