Namatay kagabi ang isang atleta na sumali sa Ironman 70.3 na ginanap sa Azuela Cove sa Davao.
“The participant required medical attention during the swim portion of the race and was transported to a nearby hospital where they were treated,” statement ng organizers.
Mabilis ang pagkalat ng balita sa social media kaya naman nakilalang isang veteran swimming coach ang nasawi, ito’y si Jerry Kasim.
Ayon sa report, ang sanhi ng pagkamatay ni Kasim ay heart attack.
Si Kasim ay kapatid ng dating national dragon boat team member na si Sanita Kasim Soren.
“Our condolences go out to the athlete’s family and friends, whom we will continue to support,” post ng organizers sa Facebook.
Ang nasabing endurance race ay sinalihan ng mahigit isang libong triathletes mula sa 46 bansa sa Azuela Cove, Davao.
Pinagwagian ni Filipe Azevedo ng Portugal ang 1.9-kilometer swim, 90-kilometer bike at 21-kilometer run sa men’s event sa oras na 3 hours at 51.09 minutes. (Elech Dawa)
