Wala pang team sa kasaysayan ng NBA na nag-rally mula 3-0 deficit para agawin ang best-of-seven series.
Sa 150 nagtangka, 150 rin ang nabigo.
Pero baka mag-milagro, at magawa ng Boston Celtics ang imposible.
Naiwasan ng Celtics ang walis ng Heat nang itakbo ang Game 4 116-99 nitong Martes sa Miami.
Binigyan nina Jayson Tatum, Jaylen Brown, Marcus Smart ng tsansa ang mga sarili, uuwi ng Boston para i-host ang Game 5 ngayong araw sa TD Garden.
Down 9 ang Celtics sa third quarter, nagkasa ng 18-0 run sa loob lang ng 3 minutes para lumamang ng 9.
Sa stretch na ‘yun ay 6 of 7 mula sa floor at 4 for 4 sa 3s ang Boston. Nilista ni Tatum ang kalahati ng blitz.
Pati sina Al Horford, Derrick White, Grant Williams ay sinuwerte.
Naibaba ng Heat sa apat sa dulo ng period pero sumagot ng 7 straight ang Boston sa loob ng 40 seconds.
“We always say the last one to get is the hardest one to get,” himutok ni Bam Adebayo.
Hindi na nakahabol sina Jimmy Butler, Bam Adebayo, Max Strus, Gabe Vincent at hindi nakumpleto ang sweep.
“They got us tonight,” suma ni coach Erik Spoelstra. “They deserved to win tonight. We have to regroup and get ready for a great opportunity in Boston.”
(Vladi Eduarte)
