Dadalo muna ang national men’s baseball team sa lingguhang Philippine Sportswriters Association Forum ngayon (Martes) sa Rizal Memorial Sports Complex conference room sa Malate, Manila bago mag-19th Asian Games sa Hangzhou, China.
Ikukuwento ni Philippine Amateur Baseball Association secretary-general Pepe Munoz at ng ilang miyembro ng PH 11 ang magiging kampanya ng batter sa Asiad sa Sept. 23-Oct. 8.
Bisita rin sa alas-10:00 ng umaga sesyon na mga pinapadrinuhan ng San Miguel Corporation, Philippine Sports Commission, Milo, Philippine Olympic Committee at Philippine Amusement and Gaming Corp., si legendary coach Joe Lipa.
Sasamahan siya ni co-author Peter Regalado Lopez upang isiwalat ang mga laman ng may 280-pahinang aklat na Basketball 101 sa huling sesyon bago magpahinga ng tatlong linggo dahil sa Asiad.
May livestream ang Forum sa fb.com/PhilippineSportswritersAssociation at may delayed broadcast sa Radyo Pilipinas 2 na nagsi-share rin ng programa sa kanilang FB page.
(Abante TONITE Sports)
