Nasa 30-somethings na ang core ng Milwaukee Bucks na backup ni Giannis Antetokounmpo para sa 78th National Basketball Association 2023-24.
Hindi na rin bumabata si Giannis, 29 na sa December.
Pago-30 na sina Khris Middleton (32), Jrue Holiday (33) at Brook Lopez (35).
Sa kabila ng mga edad, positibo si Middleton na palaban pa rin ang cast. Marami pa aniyang natitira sa kanilang mga tangke.
“I know Jrue’s a guy that he still has a lot left in the tank no matter his age,” ani Middleton sa interview ni Tim Bontempts ng ESPN nitong Huwebes. “I think we have a good amount of years left where we could play at a high level and be a contender. And that doesn’t happen unless we have Jrue back also.”
Pumirma ng contract extension sina Middleton (three-year, $93M) at Lopez (two-year, $48M) sa Bucks.
Posibleng maging free agent si Holiday sa susunod na offseason kapag tinanggihan niya ang 2024-25 player option na manatili sa team. (Vladi Eduarte)
