STANDING

TEAM W L

Magnolia 4 0

NorthPort 2 1

Meralco 2 1

Phoenix 2 1

Terrafirma 2 1

San Miguel 1 1

Ginebra 1 1

TNT 1 1

Blackwater 1 2

NLEX 1 2

Rain or Shine 0 3

Converge 0 3

Mga laro ngayon (Smart Araneta Coliseum)

4 pm – Terrafirma vs TNT

8 pm – NorthPort vs NLEX

Parehong natisod sa huling laro ang NorthPort at NLEX, unahan ang dalawa na makabalik sa win-column ng PBA Commissioner’s Cup elims sa nightcap ng double-header ngayong Miyerkoles sa Smart Araneta Coliseum.

Naisahan ng Terrafirma ang Road Warriors 113-112 noong Sabado, isang araw matapos tumikim ng matinding hambalos ang Batang Pier 112-74 sa Magnolia.

Nakalsuhan ang 2-0 start ng NorthPort, napigil sa 1-2 ang NLEX.

Mas malamang, garahe muna ng ilang linggo ang kamador ng Road Warriors na si Kevin Alas. Inabot ng ACL left knee injury ang veteran playmaker kontra Dyip noong Sabado sa Ynares Center-Antipolo.

Aasa si coach Frankie Lim kina Matt Nieto, Kris Rosales, Don Trollano at import Thomas Robinson na nagsalansan ng 40 points, 9 rebounds noong huling laro.

Sa kabila, si Arvin Tolentino pa rin ang pangunahing backup ni import Venky Jois.

Asahan ang bounce back ni Jois na nadiyeta sa 16 points mula 7 of 12 shooting kontra Hotshots. Sa larong ‘yun, nagsumite ng team-high 22 points si Tolentino pero dumating ang karamihang puntos sa garbage time na.

(Vladi Eduarte)