WebClick Tracer

NEWS

Drug ops vs pbbm, bogus – PDEA

Tahasang pinabulaanan ng pamunuan ng Philippine Drug Enforcement Agency (PDEA) nitong Martes ang sinasabing operational documents na nagsasaad na ang pangalan ni Pangulong Ferdinand “Bongbong” Marcos Jr. ay subject ng umano’y anti-illegal drug operation noong 2012.

“Nagsagawa ng check ang PDEA sa pamamagitan ng Plans and Operations Report Management Information System (PORMIS) at nalaman na wa-lang ganoong operasyon ang naka-log sa nasabing petsa,” sabi ng PDEA sa isang pahayag.

Ang tinutukoy ng PDEA ay ang dalawang dokumento: “Authority to Operate” at isang “Pre-Operation Report” na kumakalat online.

Ang parehong mga dokumento ay may petsang Marso 11, 2012.

Tiniyak ng PDEA ang kredibilidad ng PORMIS nito, at sinabing mayroon itong espesyal na tampok na hindi maaaring ipasok o pakialaman ng si-numan ang mga naitalang operasyon dahil binigyang-diin nito na “lahat ng pre-operation documents ay serialized at naka-record sa database na ito.”

Idinagdag ng PDEA na ang kredibilidad ng PORMIS ay “nagtitiyak sa integridad ng system at tinatanggihan ang anumang mga pagdududa sa da-ta na nilalaman ng system.”

“Sa panahon kung saan ang Artificial Intelligence ay maaaring makabuo ng mga makatotohanang pekeng video, mga huwad na dokumento at kamangha-manghang pag-aangkin sa pagkakaroon ng ‘insider information,’ ang publiko ay binabalaan na maging mas maingat sa paniniwala sa naturang pekeng balita,” sabi ng PDEA.

Ano ang masasabi mo sa balitang ito? (Mag-komento)

TELETABLOID

Follow Abante News on