WebClick Tracer

SPORTS

Anne Nuñez, Mervin Santiago top locals ng Century Tuna IRONMAN

Nagbalandra sina Cheng Tai Wu at Chin Ting Hsu nang kapansin-pansing porma bilang triathletes upang tanghaling hari’t reyna sa sweep ng Chinese Taipei sa 5th Century Tuna IRONMAN Philippines 2024 nitong Linggo sa Subic Bay.

Pinoste ni Wu ang overall time na 9:35:26 tapos mag-54:40 sa 3.8km swim, 4:47:22 sa 180km bike at 3:35:38 sa 42km run, pinagpag ang dalawang pagkasa sa last two stages ng swim ni Cheng Dan Lin ng China sa kaganapang inorganisa ng The IRONMAN Group.

Angat si Wu kina 2023 titlist Dutchman Eric Van Der Linden (9:52:34), at 2022 winner Czech Petr Lukosz (9:56:20) sa kompetisyong mga sinuportahan ng Century Tuna, Subic Bay, Vinfast, Hoka, Roka, Breitling 1884, Athletic Brewing Co., Hyperice, Maurten, Santini, AG1, Wahoo, Qatar Airways, Fulgaz, TriDot, Always Advancing, Nirvana, Compressport, Ekoi, Outside, 2Go, Birch Tree, Iion Advanced Electrolyte Drink, Lightwater, NLEX, SCTEX, NLEX Connector, One Sport, Cignal, Sante, Sportograf.com, Teresa Marble, at Philippine Star.

Sinandalan naman ni Hsu ang bilis sa cycling upang tuhugin sina si Mafer Poveda France ng UAE at Jennifer Uy ng Singapore sa total time na 12:18:38 (1:31:07, 6:07:54, 4:26:27). May 12:25:25 si Franco sa pagsegunda at si Uy ay nag-12:41:03 sa pagtersera.

Top local finishers naman sina Mervin Santiago (10:08:20) na ika-12 sa men’s division at Anne Nuñez (13:02:52) na panglima sa distaff side. (Abante TONITE Sports)

Ano ang masasabi mo sa balitang ito? (Mag-komento)

TELETABLOID

Follow Abante News on