24 sugarol nilambat

Umabot sa 24 sugarol ang isa-isang binitbit ng mga awtoridad sa operasyon laban sa ‘illegal gambling’ sa Quezon City, bilang tugon sa kautusan ni bagong talagang PNP Chief, Police General Debold M Sinas.

Sa report kay Quezon City Police District Director, P/Brig. Gen. Ronnie S Montejo, alas-9:40 ng umaga, 12 katao na nagsasagawa ng ‘illegal cockfighting’ o tupada ang dinakma ng mga operatiba ng Holy Spirit Police Station (PS 14) sa pamumuno ni PMaj. Eduardo Bea.

Nadakip naman ng Fairview Police Station (PS 5) sa pangunguna ni PLt. Col. Melchor Rosales dakong alas-10:30 ng umaga ang dalawa na nagtutupada sa Brgy. North Fairview habang ang iba ay huli rin sa iligal sa sugal. (Dolly B. Cabreza)