Abante Tonite Interactive

3-2 edge sasalyahin ni Barroca, Magnolia

0 399

1 kahig, 1 tuka

Finals Game 5 nga­yon:
(Smart Araneta Coliseum)
7:00pm — SMB vs. Magnolia
(Series tied 2-2)

Sa takbo ng PBA Philippine Cup Finals, opensa kontra depensa pa rin ang istorya.

Hindi gumana ang D ng Magnolia sa Game 5, umatake naman nang todo ang San Miguel.

Resulta, 114-98 victory ng Beermen na nagbuhol sa series sa tigalawang laro.

“Hindi talaga kami p’wedeng makipagsabayan sa kanila sa opensa,” bulalas ni Hotshots coach Chito Victolero. “It’s a matter of defensive mindset na hindi namin nadala last time.”

Kinain sila ng buo ng bagong koronang Best Player of the Conference na si June Mar Fajardo, near-perfect 13 of 14 sa field tungo sa 31 points, may sahog pang 14 rebounds.

Sa kabuuan, 43 of 83 (51%) ang San Miguel sa field, nangolekta ng 56 points mula sa paint. Nakaungos din sa rebounds, 53-46.

Sa kabila, 37 of 92 ang Magnolia, may 38 points sa loob.

Humugot si Victolero ng tig-22 points kina Mark Barroca at Jio Jalalon, may 19 points at 11 rebounds si Ian Sangalang.

Kagandahan para sa Hotshots, mahaba pa ang serye pero importante ang Game 5 mamaya sa Smart Araneta Coliseum ulit. Unahan sa panalo sa seryeng nauwi na sa best-of-three.

“Maganda lang dito, tied ‘yung series and ‘yung Friday game is pivotal,” positibong pananaw ni Victolero. “We need to prepare hard for that.” (Vladi Eduarte)