Abante Tonite
Mabilis sa Balita

3 mag-uutol absuwelto sa drug case

0 108

Pinawalang-sala ng Supreme Court (SC) ang tatlong magka­kapatid na inaresto sa Pasig City dahil sa iligal na droga may 15 taon na ang nakalilipas.

Ito ay matapos mapatunayan na nag­karoon ng ‘lapses’ ang awtoridad sa pagha­wak at paglalatag ng ebidensya.

Nabatid sa resolusyon na ipinost on­line, binaligtad ng SC ang desisyong inilabas ng Court of Appeals (CA) noong 2012 kung saan ibinasura nito ang apelang inihain nina Longpi, Ali at Kamal Bagul kaugnay sa ille­gal possession at pag­bebenta ng droga.

Ang magkakapa­tid ay inaresto noong Nobyembre 8, 2006 sa Brgy. Pinagbuhatan sa isang buy-bust opera­tion.

Ayon sa SC, nabigo ang mga umarestong pulis sa magkakapatid sa istriktong pagtugon sa custody procedure at hindi rin naging maayos ang pagpresen­ta sa mga ebidensiyang nakuha laban sa mga akusado. (Juliet de Loza-Cudia)

Leave A Reply

Your email address will not be published.