Abante Tonite Interactive

4 bigtime pusher ng Marikina nasakote

By
1,074

Kulungan ang binagsakan ng apat na kilalang bigtime pusher ng Parang, Marikina City matapos malambat sa buy-bust operation kamakalawa ng gabi.

Kinilala ni Marikina Police Sr. Supt. Roger Roger Quesada ang mga suspek na sina John Patrick Mendoza y Fulgencio, 27-anyos, residente ng No. 56 Paraluman St., Brgy. Parang; Eram Nesly Asuncion y Jose, 30-an­yos, at Mark Jordan Reyes y dela Paz, 28-anyos, kapwa ng Bagong Silang St., Brgy. Parang; at Niel Villaverde y Hernandez, 30-anyos, ng Santisimo St., Brgy. Sto. Niño, Marikina.

Batay sa report, nagsagawa ng buy-bust ope­ration ang mga tauhan ng Drug Enforcement Unit kung saan ay nakipagtransaksyon sa mga suspek ang dalawang pulis na nagpanggap na bibili ng droga at ang kanilang asset bandang alas-10:20 kamakalawa ng gabi sa Bagong Silang St. corner Paraiso St. sakop ng Brgy. Parang.

Nakumpiska mula sa mga suspek ang 11 piraso ng plastic sachet na naglalaman ng droga at nabawi rin ang P500 marked money na ginamit sa buy-bust.

Kasalukuyang nakakulong ang mga suspek sa Marikina Police detention cell at nahaharap sa kasong paglabag sa Comprehensive Dangerous Drugs Act of 2002.