Abante Tonite Interactive

6 Sayyaf nalambat

0 299

Magkakasunod na naaresto ng pinagsanib na tauhan ng National Bureau of Investigation(NBI), Naval Intelligence and Security Group(NISG) at Armed Forces of the Philippines (AFP) ang anim na miyembro ng Abu Sayyaf Group sa magkakahiwalay na operasyon kamakailan sa Taguig City, Balanga City at Zamboanga City.

Iprinisinta ni NBI Asst. Deputy Director for Intelligence Service Eric Distor ang naarestong sina Azmier Maalum y Girang alyas ‘Totong Aling’; Amar Assan y Sapalludin alyas ‘Abu Sonny’, ‘Abubakar’; Musa Tahil Sampang alyas ‘Hadji Ramon Gonzales’, ‘Hadji Butah’; Jamil Ibrahim y Aril alyas ‘Malangka Diwasa’; Yong Aming y Hassin alyas ‘Jamal Taib’; Majuk Tahil y Amil alyas ‘Enjie’, ‘Ejemal’.

Nabatid na unang naaresto si Maalum, na may walong warrant of arrest para sa 8 counts ng kidnapping at s­erious illegal detention may kauganayan sa 2001 Golden Harvest Kidnapping matapos na makatanggap ng impormasyon na nagtatago ito sa Taguig City kasama si Assan.

Sa pag-aresto kay Maalum at Assan noong Mayo 16, itinuro naman nila ang kinaroroonan ni Sampang kaya ito naaresto.

Sina Ibrahim, Aming at Tahil naman ay naaresto sa Zamboanga City. (Juliet de Loza-Cudia)