Abante Tonite
Mabilis sa Balita

ABS-CBN `pinatay’ NTC

0 769

Pormal nang ipinatigil ng National Telecommunications Commission (NTC) sa pamamagitan ng 2 cease –and-desist order ang operasyon ng ABS-CBN digital broadcast TVPlus sa Metro Manila at ang Sky Cable’s Direct Broadcast Satellite Service sa buong bansa .

Inutusan ang ABS-CBN na ipatigil ang kanilang digital transmission sa Metro Manila gamit ang Channel 43 na nagpapalabas ng TVPlus channel gaya ng Cine MO!, Yey!, TeleRadyo, at ang pay-per-view channel na KBO.

Ayon sa NTC ang mga nabanggit ay kasama sa listahan ng mga radio at TV stations na insyuhan ng cease and desist order noong Mayo 5 laban sa ABS-CBN.

Napaso ang prangkisa ng ABS-CBN network noong Mayo 4 na dahilan upang matigil ang operasyon nito sa telebisyon at radyo.

Sa inisyu ng alias CDO kahapon, inatasan ng NTC ang Sky Cable Corp , ang cable company ng network na agad na pairalin ang `cease and desist’ sa kanilang SKY direct-to-home satellite transmission, na direktang makakaapekto sa mga subscriber nila sa buong bansa .

“Sky Cable should “immediately cease and desist operating its Direct Broadcast Satellite Service” or DBS service using radio frequencies 14421-14457 MHz and 12673-12709MHz,” sabi ng NTC.

“ Sky Cable Corp. was asked to “show cause why frequencies assigned to it shall not be recalled for lack of necessary congressional franchise to operate,” and to “refund its subscribers amounts representing unconsumed prepaid loads, deposits on equipment and devices, deposit or advance payment for postpaid subscribers, charges collected from new applicants,” ayon pa sa order ng NTC .

SM food to go Banner Ad

Ang iniyung cease and desist order ng NTC na pirmado ni NTC Commissioner Gamaliel Cordoba, at Deputy Commissioners Edgardo Cabarios and Delilah Deles.

Nakapaloob sa kautusan ang pagbibigay ng sampung araw sa Sky Cable na magpaliwanag kung bakit hindi dapat bawiin ang radio frequencies na itinalaga sa kanila dahil sa kawalan ng kaukulang congressional franchise.

Una nang nakuwesityon sa mga pagdinig ng Kamara ang patuloy na pagsahimpapawid o operasyon ng Sky Cable gayong ang parent – company nitong ABS CBN ay pinasara na base sa unang inisyung CDO ng NTC noong Mayo 5.

Samantala, mistulang walang nangyari sa pakiusap ni Showtime host Vice Ganda sa mga kongresista sa social media.

Isang araw bago ipinasara ang Sky Direct at TV plus.

“Kailangan namin ang suporta ninyo mga Kapamilya. Wag nating hayaang magdusa ang mga pamilya ng mga tuluyang mawawalan ng trabaho,” pakiusap nya sa mga congressman.

Ang bida naman ng ‘Ang Probinsyano’ na si Coco Martin ay matatandaang nangonsensya sa mga nasa likod ng pagpapasara ng ABS-CBN dahilan upang ma-bash ito at maapektuhan ang ilan niyang proyekto. (Eralyn Prado / Juliet deLoza-Cudia)

Leave A Reply

Your email address will not be published.