NGAYON lang uli namin nakatsikahan ang isa sa finalists ng Artista Academy na si Akihiro Blanco.
Bahagi ang 21 y/o Kapatid actor sa pelikulang Sikreto ng Piso na sinulat at ididirek ni Perry Escaño, at balak na isali sa Metro Manila Film Festival 2017.
Ang guwapo ni Akihiro at may talent naman, kaya nagtataka kami, bakit hindi nagkainteres ang ABS-CBN 2 na kunin siya?
Kapamilya talent na sina Vin Abrenica at Ritz Azul, kaya umaasam din ba siyang mapansin ng ABS-CBN 2?
“Open naman po ako sa ganu’n, eh. Ngayon lang siguro po, pag sa mga network… gusto ko po munang mag-freelance. Soon po siguro baka mag-ano rin,” pahayag ni Akihiro.
Natutuwa siya para kina Vin at Ritz na nabigyan ng magandang break sa malaking TV network kagaya ng ABS-CBN 2.
Sisimulan na ni Akihiro ang Ang Sikreto ng Piso, pero meron din pala siyang dinidirek na mini-series na ipinapalabas online.
Meron na siyang nasimulang romcom pero hindi pa niya natapos.
Pero meron siyang sinulat at dinirek din na isang mini-series na pinamagatang Warriors.
Mapapanood ito sa Akihiro Blanco channel niya sa YouTube.
“Mahilig din po kasi akong magsulat. Gusto ko rin pong magdirek at mag-acting na rin,” pakli ng guwapitong bagets ng TV 5.
Regal baby na rin pala si Akihiro at meron na raw siyang sisimulang pelikula sa naturang film outfit.
