Alas sinibak ng Phoenix
Sinibak ng Phoenix Super LPG Fuelmasters management si Francisco Luis ‘Louie’ Alas bilang coach nitong Biyernes ng gabi.
Ang masaklap sa Facebook page lang ng koponan inanunsyo ng pangasiwaan (team manager Paolo Bugia) ang pagsisante sa 56-anyos na tactician, na unang sinuspinde muna dahil sa pagsuway sa health protocol.
“With the possibility of a PBA restart, the Phoenix Super LPG Fuelmasters have began discussions on its future plans. After much deliberation, management has decided to discontinue Mr. Louie Alas’ services as head coach,” anunsyo sa socmed.
Hinirit pang magsisilbi munang interim coach ang assistant ni Alas na si Michael Christopher ‘Topex’ Robinson.
“We believe in Coach Topex’s capacity to lead this team and we look forward to the Fuelmasters’ resurgence as one of the league’s exciting contenders.” (Aivan Denzel Episcope)