Arsobispo sa Cebu sapul ng COVID

Nagpositibo sa COVID-19 si Cebu Archbishop Jose Palma at kasalukuyan nang nagpapagaling sa Perpetual Succor Hospital.

Kinumpirma ito ni Msgr. Joseph Tan, Cebu archdiocese spokesperson kahapon.

“The Archbishop remains in a stable condition. Let us all pray for his steady and speedy recovery,” saad Tan sa isang pahayag.

Agad naman aniyang inabisuhan ang mga nakahalubilo ng arsobispo hinggil sa kasalukuyang kalagayan nito. (VAPA)