Abante Tonite Interactive

Bagyong ‘Ramon’ 1 araw nagbabad sa dagat

566

Kumikilos muli papalapit ng ­bansa ang bagyong Ramon ­matapos ang isang araw na halos hindi nito paggalaw sa East Philippine Sea ­habang nanatiling nakataas ang Storm Signal No. 1 sa Cagayan, ­Aurora, at Isabela.

Sa 5:00 pm weather ­advisory ng Philippine Atmospheric ­Geophysical and Astronomical Services Administration (PAGASA) sa Lunes ng hapon tatama sa Cagayan ang Bagyong ‘­Ramon’. Tatawirin nito ang Apayao at Ilocos Norte bago ito makarating sa West Philippine Sea sa hapon nang Martes, Nobyembre 19.

Bukod sa mga lugar na nasa ilalim ng Signal No. 1 ay ­ipinagbabawal rin ng PAGASA ang pagpalaot ng mga sasakyang pandagat sa ­northern at western seaboard ng Central at Southern Luzon dahil sa inaasahang 5 metro ang taas ng alon dulot ng hanging amihan na dala ng bagyo.

Samantala isa pang malakas na bagyo ang binabantayan ng ­PAGASA, na may international name na ­Fengshen at nasa labas pa ng ­Philippine Area of Responsibility, kung hindi magbabago ang direksyon nito ay malaki ang tiyansang hindi ito papasok ng bansa.

Huling namataan ang bagyo sa ­layong 435 kilometers Silangang ­bahagi ng Casiguran, Aurora taglay ang lakas ng hangin na 65kph at bugso na 80 kph at kumikilos sa bilis na 15kph.

Nakataas pa rin ang ­Tropical ­Cyclone Wind Signal No. 1 sa ­Silangang bahagi ng Cagayan ­(Santa Ana, ­Gonzaga, ­Lal-lo, ­Gattaran, ­Baggao, at ­Peñablanca); Silangang bahagi ng ­Isabela (Maconacon, ­Divilacan, ­Palanan, at Dinapigue) at ­Northern ­Aurora (Dilasag, Casiguran, at ­Dinalungan). (Tina Mendoza)