Abante Tonite Interactive

Bank Teller, ginahasa, pinatay tinangkang sunugin

Part 6

1,069

Sa katunayan aniya, malaki na ang ibinaba ng insidente ng nagaganap na panghahalay mula nang ilunsad ng Pangulong Rodrigo Duterte ang kanilang kampanya laban sa iligal na droga. Malaki aniya ang posibilidad na ang paggamit ng iligal na droga ang isa sa mabigat na dahilan kaya’t nakakagawa ng krimen ang isang kriminal.

Nagpasalamat naman ang pamilya Cama, sa pangunguna ni Mang Reynaldo, sa grupong Gabriela bagama’t inamin ng ama ni Mabel na nadismaya siya sa Commission on Human Rights (CHR) maging sa Catholic Bishop Conferenee of the Philippines (CBCP) dahil kahit man lang kinatawan ay hindi nagkaloob sa kanila ng simpatiya o dumalaw at sumilip man lamang sa burol ng kanyang anak.

Inihayag ni Mang Reynaldo ang kanyang pagka-dismaya sa pamunuan ng CHR at sa CBCP lalo na’t inaasahan nila na mangunguna ang mga ito sa pagkondena sa nangyaring pagpatay at paghahatid ng simpatiya sa kanilang pamilya lalo na’t matindi ang kanilang adbokasiya laban sa iligal na droga.

Naniniwala si Mang Reynaldo sa naging pahayag ni PNP chief Director General Dela Rosa na ang paggamit ng iligal na droga ang posibleng naging daan kaya’t nagawa ng mga kriminal ang karumal-dumal na pagpatay sa kanyang anak.

Mula naman sa inialok na P50,000 ni Paracale, Camarines Norte Mayor Lourdes Briguela bilang pabuya sa sinumang makapagbibigay ng impormasyon o makapagtuturo sa may kagagawan ng pagpatay at panghahalay kay Mabel, naglaan na rin ng P200,000 si Pasig Mayor Ro­bert Eusebio at karagdagan pang P50,000 ang isa pang hindi nagpakilalang negosyante upang mapabilis ang paglutas sa karumal-dumal na krimen kaya’t umabot sa kabuuang P300,000 ang pabuyang nakalaan sa ikalulutas ng kaso,

Noong Nobyembre 19, 2017, isang oras bago ihatid sa kanyang huling hantungan sa isang pampublikong Kampo Santo sa kanilang lalawigan sa Bicol si Mabel, inaresto ng mga tauhan ni Pasig city police chief Sr. Supt. Orlando Yebra, Jr. si Randy Oavenada, na unang naging testigo ng pulisya sa nangyaring krimen na kalaunan ay inilagay din bilang ‘person of interest’.

Iprinisinta pa ni Eastern Police District (EPD) Director Chief Supt. Romulo Sapitula kay National Capital Region Police Office (NCRPO) Chief Director Oscar Albayalde si Oavenada sa kabila ng patuloy niyang pagtanggi sa krimen.
Dinakip ng mga pulis si Oavenada makaraang lumabas ang resulta ng dactyloscopy exami­nation na isinagawa ng EPD Crime Laboratory sa nakitang latent prints sa nabawing cellular phone ni Mabel sa labi ng kanyang katawan na tumutugma sa kanyang fingerprints ng suspek.