Beach volleyball sa Feb 25

Nasa 12 koponan ang magsasagupa sa inaasam na engrandeng pagbabalik ng Philippine SuperLiga (PSL) sa unang torneo na Beach Volleyball Challenge Cup sa February 25-27 sa Subic, Zambales.

Ipinabatid Linggo ni PSL Chairman Philip Ella Juico na asam ng amateur commercial na liga na maisagawa ang mainit na pagbabalik ngayong taon makalipas maudlot ang lahat ng torneo ng liga dahil sa pandemic sa nakaraang taon.

“We are ready anytime,” ani Juico, na hinihintay na lang ang permiso mula sa Inter-Agency Task Force (IATF) para maisagawa ang programa ng liga sa taong ito na susundan ng Fans Day sa March 7. (Lito Oredo)