Abante Tonite Interactive

Binalatang dalagita bangag ang yumari!

Hindi ‘yan kulto — Digong

By
0 237

Hindi itinago ni Pa­ngulong Rodrigo Duterte ang galit sa karumal-dumal na pagpatay sa isang estudyante sa Cebu City na binalatan ang mukha, tinadtad ng saksak at hinihinalang ginahasa ng hindi pa nakikilalang mga salarin.

Sa kanyang talum­pati sa campaign rally ng PDP-Laban sa Ilagan City, Isabela kagabi, poot aniya ang kanyang nararamdaman sa ginawang karumal-dumal na pagpatay sa 16-anyos na dalagitang biktima.

Hindi pa aniya nakuntento ang mga suspek nang halayin ng mga ito ang biktima, bagkus ay binalatan pa ang mukha nito at pinatay.

Hindi naniniwala ang Pangulo na kulto ang may kagagawan nito kundi mga bangag sa ipi­nagbabawal na gamot.

“Maniwala kayo diyan ­kulto-kulto binabalatan ang mga mukha. Reypin ang 5 year old na bata. May pinatay at binalatan ang mukha tapos ‘yung iba four months old ‘yung na-rape, patay na ‘yung gumawa, p***** *na ka mauna ka sa impiyerno leche!

“Mga human rights baka ‘di niyo alam try to dig into this and find my revulsion,” anang ­Pangulo.

Dahil dito, kinalampag ni Pa­ngulong Duterte ang Commission on Human Rights (CHR) na laliman pa ang kanilang im­bestigasyon sa ganitong mga kaso para ma­laman nila kung bakit ganito na lamang ang galit niya sa mga nasa likod ng iligal na droga.