Bitin sa alak, 7 tigok sa nilagok na sanitizer

Matapos mabitin sa alak sa gitna ng walwalan sa isang party, walang takot na nilagok ng siyam na tomador ang hand sanitizer na may halong 69% methanol sa Tomtor village, Yakutia, Russia noong Huwebes.

Sa report ng UK newspaper na Daily Mail, pito sa lumaklak ay nasawi habang dalawa sa mga ito ay na-comatose.

Ang mga binawian ng buhay na biktima ay nasa pagitan ng 27-anyos hanggang 59.

Sinasabing na-short umano sa iniinom na alak ang siyam na partygoer kaya nilagok ang sanitizer.