Abante Tonite Interactive

Bitter kina VP Leni, Leila, Sereno: Roque kinantiyawang ‘frustrated woman’ ni Cong. Erice

1,927

Binanatan ni Caloocan City 2nd District Rep. Edgar Erice si Pre­sidential Spokesperson Harry Roque dahil sa mapang-insulto nitong mga komento.

Kinuwestiyon ng mam­­ba­batas si Roque kung bakit madalas nitong puntiryahin ang mga prominenteng kababaihan katulad nina Vice President Leni Robredo, Senator Leila de Lima, Chief Justice Maria Lourdes Sereno, Rappler CEO Maria Ressa, at UN special rapporteur Agnes Callamard.

“Why Harry Roque is so bitter with Leni, Leila, Sereno, Ressa and Callamard, describing­ them as expiring? Because he might be a frustrated woman,” komento ni Erice sa isang Viber thread sa pagitan ng mga reporters.

Nauna rito, sa isang online interview na inere sa Facebook page ng Presidential spokesman ay hayagan nitong binatikos ang kababaihang bumabakbak sa drug war ng administrasyon­g Duterte kabilang sina Robredo, De Lima, Sereno at Callamard.

Sa kabilang banda, pinuri ni Roque si Assistant Communications Secretary Mocha Uson, Ilocos Norte Gov. Imee Marcos at Deputy House Speaker Gwen Garcia.