Abante Tonite Interactive

Brian Turk pumanaw sa kanser

357

Pumanaw na ang aktor na si Brian Turk sa edad na 49. Kilala si Turk dahil sa pagganap niya sa HBO hit show na “Carnivale”.

Ayon sa TMZ, pumanaw ang beteranong aktor nitong Biyernes dahil sa komplikasyon sa sakit niyang kanser. Isang taon na ang nakakalipas nang matuklasan ang sakit niya at kamakailan ay nadiskubre na malala na ito.

Gumanap si Turk sa mga sikat na shows at pelikula sa Hollywood gaya ng serye na “Two and a Half Men,” “Buffy the Vampire Slayer,” “The Jamie Foxx Show,” “Step by Step,” “Wings,” “Beverly Hills, 90210,” “Boy Meets World,” “ER,” “Criminal Minds,” “General Hospital,” “Animal Kingdom,” “NCIS” at marami pang iba.

Nagkaroon rin siya ng maliliit na role sa “American Pie 2,” “A.I. Artificial Intelligence,” “Crocodile Dundee in Los Angeles,” “The Lost World: Jurassic Park,” “Big Fat Liar” at marami pang iba.

Bumuo ng isang GoFundMe account para sa aktor at ang mga donasyon dito ang gagamitin para sa kanyang libing. (Ronaline Avecilla)