Bryan niresbakan ng Osaka

Hindi pinalad mawalis ni Bryan Bagunas at ng Oita Miyoshi Weisse Adler ang Osaka Sakai Blazers sa rematch, 18-25, 18-25, 18-25 sa 54th V.League 2021-22 prelims sa Nippon Steel Sakai Gymnasium sa Japan Linggo ng hapon.

Binawian ng Sakai Blazers ang Oita Miyoshi sa pangalawang pagtatagpo upang magtabla ang talaan ng dalawang team sa 1-1 win-loss. Nakauna ang Oita nitong Sabado, 25-19, 25-20, 21-25, 28-26.

Kapos para sa koponan ang pitong puntos, isang block at isang ace ng Pinoy import. Sunod sa Miyoshi ang Wolfdogs Nagoya sa Oktubre 23. (Janiel Abby Toralba)