Abante Tonite Interactive

Bulanadi, Baste alpas sa Arellano

0 248

STANDINGS
TEAMS W L
SBU 9 0
LPU 6 3
CSJL 6 3
SSC 6 3
CSB 6 3
MU 3 6
JRU 3 6
UPH 3 6
AU 2 7
EAC 1 8

Binida ni Allyn Bulanadi ang Baste sa ika-4 na dikit na ragasa kontra host Arellano Chiefs, 85-79, sa ikatlong huling laro ng 95th National Collegiate Athletic Association men’s basketball tournament 2019 first round eliminations Biyernes nang gabi sa Cuneta Astrodome, Pasay.

Pasabog si Bulanadi ng 22 points kalakip ang 7 rebounds upang makabaraha ng San Sebastian Stags sa four-way tie ang Lyceum Pirates, Letran Knights at Benilde Blazers sa 6-3 win-loss record, at pinutol ang ikawala sanang winning streak ng AU na bumulagta sa 2-7 sa pagkabaon sa solo ninth.

‘Di rin nagpahuli si JM Calma para sa Quiapo-based dribblers na naka-double-double 17 markers at 10 boards.

Wala namang nagawa para sa mga taga-Legarda ang tig-13 pts. nina Kent Salado at Justin Arana.

Solb si Edgar Macaraya sa pinakita ng Baste.

“Everybody is playing together,” dada ng SSC coach. “Iyon ‘yung key ng mga panalo namin. Everybody contributes, knowing their role and dito gumaganda ang offense saka defense namin.”

Una rito’y kumayod si Calvin Oftana ng 24 points, 12 rebounds at 5 assists para masakmal ng San Beda Red Lions (9-0) ang Mapua Cardinals (3-6), 69-60, at tumagpas si Jerrick Balanza ng 26 na puntos para maitumba ng CSJL ang CSB, 88-64.

Ang mga iskor:

Unang laro

LETRAN 88 – Balanza 26, Batiller 10, Olivario 7, Muyang 7, Caralipio 6, Yu 6, Ular 6, Balagasay 6, Ambohot 5, Reyson 5, Mina 2, Sangalang 2, Javillonar 0, Guarino 0.

CSB 64 – Belgica 12, Haruna 8, Naboa 7, Flores 7, Carlos 7, Nayve 6, Sangco 5, Lepalam 5, Gutang 3, Young 3, Leutcheu 1, Dixon 1, Velasco 0, Mosqueda 0.

Quarterscores: 25-15, 46-35, 73-49, 88-64.

Pangalawang laro

SAN BEDA 69 – Oftana 24, Canlas 10, Tankoua 10, Abuda 7, Bahio 5, Carino 4, Nelle 3, Doliguez 3, Soberano 3, Etrata 0, Alfaro 0, Noah 0

MAPUA 60 – Hernandez 16, Lugo 13, Gonzales 11, Bonifacio 7, Bunag 4, Gamboa 4, Victoria 2, Serrano 2, Salenga 1, Jabel 0

Quarterscores: 16-16, 30-28, 49-45, 69-60

Pangatlong laro

San Sebastian 85 – Bulanadi 22, Calma 17, Ilagan 12, Deseyo 8, Capobres 6, Cosari 5, Villapando 4, Tero 3, Dela Cruz 2, Sumoda 2, Isidro 2, Calahat 2, Altamirano 0.

Arellano 79 – Salado 13, Arana 13, Bayla 12, Sablan 9, Oliva 9, Talampas 5, Gayosa 5, Sacramento 5, Concepcion 4, Espiritu 2, De Guzman 2, Alcoriza 0,Segura 0, Sunga 0. (Aivan Episcope)