Abante Tonite Interactive

DA sinilip ng COA sa P957M natenggang proyekto

407

Nasita ng Commission on Audit (COA) ang isang dosenang proyekto ng Department of Agriculture (DA) na nabigong ta­pusin sa itinakdang deadline.

Sa 2017 report ng COA sa DA, nasilip ng COA ang mga hindi na­tapos o unfinished infrastructure project na nagkakalahaga sa P957.678 milyon na ka­ramihan ay farm-to-market roads (FMR) sa CALABARZON at Bicol region na dapat ay may completion target bago nagtapos ang taong 2017.

Ang mga nabanggit na proyekto ay nasa ilalim ng Intensified Building-Up of Infrastructure and Logistics for Development o IBuild program.

Kabilang sa mga pro­yektong ito ay ang Potable water system cons­truction sa Luisiana, Laguna, na may target completion date na December 24, 2017; Rehabilitation ng FMR sa Lucena City, October, 15, 2015; Concreting ng FMR sa Mulanay, Quezon, June 23, 2016.

Kasama rin ang Rehabilitation ng FMR sa Lucena City, May 2, 2016; Concreting ng FMR sa Macalelon, Quezon, April 12, 2016;

Concreting ng FMR sa Lucban, Quezon, May 28, 2016;

Concreting ng FMR sa Guinayangan, Quezon, November 26, 2017;

Concreting ng Sto. Domingo-Napili­han FMR sa Camari­nes Norte, April 14, 2017;Concreting ng Ca­busay-Labnig FMR sa Camarines Norte, February 19, 2017; Rehabilitation ng San Isidro-Pag Oring Nuevo FMR sa Camarines Sur, November 30, 2017; Cons­truction ng warehouse sa Albay, November 20, 2017; at Rehabilitation ng Pistola-Tablon road sa Albay, October 10, 2017.

“Any delay of implementation will also result in the delay of pro­ject completion thereby depriving the intended users of the immediate benefits that will be derived therefrom,” ayon sa COA.

Nasita rin ng COA ang 12 activities sa ila­lim ng National Livestock Program (NLP) ng Bureau of Animal Industry na hindi rin nakumpleto o natapos

Kabilang dito ay ang pagbibigay ng laboratory services; provision of biologics, vaccines and drugs; distribution of forage/seeds and animals; distribution of cattle, other poultry animals, goats, sheep; training of personnel; giving of incentives for workers mula sa local government; at research at development activities.