Dambuhalang kamay ni Leonard trending

Bagay ang bansag na ‘The Klaw’ kay Los Angeles Clippers superstar Kawhi Leonard.

Ito’y matapos mag-trending ang two-time National Basketball Association (NBA) champion hindi dahil sa kanyang magandang performance kontra Chicago Bulls sa 75th league 2020-21 regular season game nitong Linggo, kundi dahil sa dambuhala niyang kamay.

Sa tweet ng Clippers official account, pinakita ang pagdakot ni Leonard ng dalawang water bottle nang walang kahirap-hirap.

Maraming netizen ang bumilib dito, kaya’t nakakuha agad ng 6,500 likes ang naturang tweet.

Sa nasabing laban, nakaungos ang Clippers kontra Bulls, 130-127, kung saan kumamada si Kawhi ng 35 points, four assists at three steals. (Ray Mark Patriarca)