Abante Tonite
Mabilis sa Balita

Dating Asec ni Digong sabit sa P100B scam

0 714

Inirekomenda ng National Bureau of Investigation (NBI) na imbestigahan si lawyer Mark Tolentino, former Wirecard top executive Jan Marsalek, bank employee Joey Arellano, Judith Singayan Pe, at iba pang indibidwal na may kaugnayan sa German based company Wirecard.

Si Tolentino ay dating DOTr assistant secretary ni Pangulong Rodrigo Duterte at tumatayong exclusive distributor ng Sinopharm sa bansa.

Nabatid na inatasan ni NBI Director Eric Distor ang pagsasampa ng falsification of Commercial Documents, violation of the General Banking Act of 2000, Violation of Electronic Commerce Act, and Violation of the Cybercrime Prevention Act laban sa grupo matapos mabuking ng NBI Anti-Fraud Division ang kanilang iregularidad.

Isinagawa ng NBI- Antifraud Division ang imbestigasyon batay na rin sa inihaing reklamo ng Bank of the Philippine Islands kaugnay sa pekeng mga dokumento sa bangko na sinasabing isinumite ni Tolentino sa Ernst at Young auditing firm na inatasan ng German government upang busisiin ang nawawalang $2.1 bilyong pondo o katumbas ng P100B.

Ilan naman sa mga saksi ay nagpalabas ng sworn statements at itinuturo sina Tolentino at Pe na kasabwat at link sa nasabing Wirecard controversy.

Kabilang sa mga ebidensyang isinumite ng NBI sa korte ay ang liham ni Tolentino na may petsang Marso 10, 2020 para sa kumpirmasyon sa auditing company Ernst & Young sa isang Diane Cunanan na humihiling ng balanse ng tatlong mga account mula Disyembre 31, 2019.

Nagsumite din si Tolentino ng isang liham na may petsang Marso 10, 2020 at kinumpirma sa Auditing firm na humihiling sa balanse ng lahat ng mga account na hawak ng Wirecard Ag, Wirecard Sales International Holding, Wirecard technologies, Card systems Middle East FZ LLC, Wirecard UK at Ireland LTD hanggang December 31, 2019 ngunit hindi binanggit ang anumang numero ng account.

Ayon sa pa sa NBI ay inamin ni Arellano sa sulat na nakatanggap siya ng “more or less P10 million’’ upang mag-isyu ng “spurious’’ bank certificates na may petsang Marso 17, Hunyo 4, 2020 at Hunyo 2020 at sa iba pang anomalya nina Tolentino at Pe.

Sinabi din niya na isang opisyal mula sa ibang bangko ay nandun habang nasa video call, at inatasan silang iharap ang kanilang mga bank ID card.

Sa mga nakaraang panayam, itinanggi ni Tolentino ang kaugnayan nito sa Wirecard at sinabing biktima siya ng identity theft.

Ngunit ayon sa mga saksi, noong Marso 4, 2020, isang meeting ang ginanap sa tanggapan ni Tolentino sa Makati City na dinaluhan ng 10-katao kabilang sina Marsalek, mga kinatawan ng Ernst at Young. (Nancy Carvajal)

Leave A Reply

Your email address will not be published.