Abante Tonite Interactive

Dengue sa Pangasinan lumala

150

Patuloy ang pagtaas ng kaso ng dengue sa Pangasinan, base sa ulat ng Pangasinan Health Office (PHO) surveillance monito­ring.

Ayon kay Dr. Ana de Guzman, PHO officer, may 8,182 naitalang kaso ng dengue mula Enero hanggang Nobyembre 4 at 11 na ang kumpirmadong patay dito.

Ayon sa opisyal, sa datos ng nasabing sakit ay mas mataas ngayon ng 8% ang dengue case kumpara noong isang taon na may 7,554 na biktima ng dengue at 25 ang namatay dito.

Ang mga watchlist na lugar sa Panga­sinan kung saan may mga kaso ng dengue ay ang San Carlos City, na nakatala ng 680 na kaso, Bayambang, 511; Malasiqui, 457; Lingayen, 425; at Calasiao, 250.

Sinabi pa ni De Guzman na ang patuloy na pag-ulan, mga nakaimbak sa tubig sa kapaligiran at kulang sa environment clean-up ang No. 1 na dahilan ng pagkakaroon ng dengue. (Allan Bergonia)