Abante Tonite Interactive

Drilon puwersado

By
7

Kailangan daw apru-bahan ni Senate President Franklin Drilon ang balik-boksing ni Manny Pacquiao sa Nob. 6 (PHL Time) sa Las Vegas.

Senador na kasi si Pacquiao at si Drilon ang boss-tsip ni PacMan.

Mahirap ang tayo ni Drilon. Kapag binawalan niya si Pacquiao, maraming magagalit.

Abante Hiring – IT dep

Una na riyan ay ang sangkaterbang tagaha­nga ni Pacquiao. Walang kamatayan ang kanilang paniwalang puwede pa si Pacquiao.

Sunod diyan ang mga alalay at miyembro ng Team Pacquiao. Kasi, sa tuwing may laban si Pacquiao, kikita­ rin sila. Dahil kasama sila sa preparasyon, sinumang makatapyas ng may pinakamaraming bigat-timbang pagkatapos ng treyning ay may iuuwing pera.

At siyempre, bawa­l kumitil ng kalayaan sa ilalim ng demokrasya. Alam ni Drilon na kapag hindi niya pinayagan si PacMan, uulanin siya ng batikos.

Bilang superstar, naa-bot na kasi ni Pacquiao ang estado na halos ay hindi na siya puwedeng magkamali. Ini-idolo’y ganyan.

Mantakin: Sa halos 400 sesyon ng Kongreso, halos 5 beses lang siyang dumalo bilang kongresman. Pero may nagalit ba?

Kung meron man, konti lang. Ang isang patunay diyan ay nang manalo siyang Senador noong Mayo 9. Lab-pa-more siya ng bayan.

Edad 37 si Pacquiao. Puwede pa siya. Nakita­ natin iyan nang sinisiw niya si Tim Bradley noong Abril.

Kayat tandaan: Kapag pumalag si Drilon,­ papalagan siya ng bayan.