Duterte pinasara mga minahan sa Tawi-tawi

Ipinatigil ni Pangulong Rodrigo Duterte ang lahat ng mining activity sa Tumbagan Island sa Languyan, Tawi-Tawi.

Sinabi ni Secretary to the Cabinet Karlo Nograles na nababahala ang Presidente sa nakarating na ulat sa kanya na matinding napinsala at nasalaula ang Tumbagan Island dahil sa pagmimina.

Iniutos rin ng pangulo ang pagtatanim ng mas maraming puno para manumbalik ang dating ayos ng isla.

Inaasahan aniya ang mga ilalargang aksiyon ng gobyerno para malinawan at matukoy kung sino ang mga dapat na panagutin sa pagkasalaula ng isla sa Tawi-Tawi. (Aileen Taliping)