Abante Tonite Interactive

Eya pasok sa SEAG-bound PH 6

0 200

Present ulit si Alyssa Valdez sa paparating na 30th Southeast Asian Games 2019 sa bansa sa Nobyembre 30-Disyembre 11 habang reresbak si UST Star Ejiya ‘Eya’ Laure sa unang sabak kasama ang mga senior squad.

Nasa PH team si Laure na nag-back-to-back bronze medal ASEAN Grand Prix sa Thailand at sa bansa, sinama siya ni coach Ceasael ‘Shaq’ delos Santos sa 12-woman line up para bawiin ang nakuhang bronze medal sa 2005 SEA Games sa bansa rin.

Aarangkada rin sa national six sina 2019 PSL All-Filipino Conference MVP recruit na si Tyler Marie Kalei Mau, Mylene Paat, Jovelyn Gonzaga, Rhea Dimaculangan at Jia Morado, team capt. Abigail Marano, Mary Joy Baron, Maddie Madayag, Mika Reyes, Dawn Macandili at Kath Arado.

‘Di naman makakasama ang magkapatid na Jaja at Dindin Santiago sa lineup dahil sa prior commitment sa Japan V League clubs habang si Fil-Am setter Alohi Robins-Hardy naman ay ‘di nakaabot sa final roster.

Sasabak ang koponan sa 11-nation, 12-day meet sa volleyball tournament sa Nobyembre 28-Disyembre 10 sa PhilSports Arena sa Pasig. (Aivan Episcope)