Abante Tonite Interactive

FEU banta sa NU, La Salle

By
11

Kumikikig pa ang Far Eastern U, binibigyan ng matinding laban ang National U at De La Salle sa men’s at women’s divisions ng UAAP 79 chess tourmanent bago ang final two rounds.

Hawak ng Bulldogs ang 12-round total na 38 points, tatlo lang sa unahan ng Tamaraws (35) sa men’s. Sa women’s side ay magkabuhol ang Lady Archers at Lady Tamaraws sa unahan sa tig-39.5 points.

Sa likod nina IM Paulo Bersamina at FM Austin Jacob Literatus ay kinubabawan ng NU ang Ateneo 3.5-.5 sa Round 12 nitong Linggo sa Henry Sy Sr. Hall sa DLSU campus.

Sa pangunguna nina WIM Bernadette Galas at WFM Marie Antoinette San Diego ay binokya ng Lady Archers ang Lady Bulldogs 4-0. Nilampaso rin ng Lady Tams ang Lady Eagles 4-0.

Gitgitan sa third place ng men’s ang UE (28) at UST (27). Bahagya lang nakaungos ang Lady Warriors sa Tigresses 25-22.5 sa distaff side.

Round 13 sa Sabado sa Ozanam Audio Visual Room sa Adamson sa Sabado, kinabukasan ay balik sa Henry Sy Hall para sa final round.