Abante Tonite
Mabilis sa Balita

Ginang na bibili ng TV ninakawan, hinulog sa bangin

0 304

Naging mitsa ng buhay ng isang ginang ang kanyang inipong pera na pambili sana ng television set nang nakawan siya ng isa niyang kabarangay at patayin pa sa pamamagitan ng paghulog sa bangin sa bulubunduking barangay sa Real, Quezon noong Linggo ng umaga.

Kinilala ng Real Police ang biktima na si Flora Ocular, 40, residente ng Sitio Mayaog, Brgy. Pandan. Batay sa pulisya, dala ng biktima ang perang P20,000 at bababa ito sa bayan upang bumili ng TV set nang sundan ng 26-anyos na binatang suspek na si Arjay Asa Tropicales.

Pagdating sa ilang na lugar, sapilitang inagaw ng binata ang pera at saka itinulak ang ginang sa bangin na ikinasawi nito. Tumakas ang suspek matapos ang pangyayari tangay ang pera.

Pinaghahanap ito ngayon ng mga awtoridad at inihahanda na ring ang kasong robbery with homicide na isasampa laban dito. (Ronilo Dagos)

Leave A Reply

Your email address will not be published.