Abante Tonite Interactive

Gutang, Blazers pinalo ang Chiefs

202

Mga laro sa Biyernes:
(FilOil Flying V Centre, San Juan)
12 p.m. – UMP vs SBU
2 p.m. – JRU vs MU
4 p.m. – CSB vs LPU

Apat na sundalo ni College of Saint Benilde coach Tyrone Tang ang mga nagposte ng 10 puntos pataas sa pangunguna nina Clement Leutcheu at nagbalik mula injury Justing Gutang upang matimbog ang host Arellano Chiefs, 82-77, sa 95th National Collegiate Athletic Association men’s basketball tournament 2019 first round eliminations Martes sa FilOil Flying V Centre sa San Juan.

May 13 points at 7 rebounds si Leutcheu , halos mag-double-double rin sina Gutang na may 12 at 7 at Yankie Haruna na naka-11 at 8 habang naka-10 puntos si Jimboy Pasturan para samahan ng Blazers sa top spot ang idle defending champion San Beda University sa imakuladang 5-0 record.

Nasayang lang ang career-high 25 points para sa Chiefs ni Justin Arana sa paghanay sa ilalim sa Emilio Aguinaldo College sa 1-6 tapos mabistay ng Mapua University (2-5), 76-66 sa pantaas ng kurtinang sultada.
Ang iskor:

College of Saint Benilde 82 – Leutcheu 13, Gutang 12, Haruna 11, Pasturan 10, Nayve 9, Dixon 8, Naboa 7, Carlos 5, Flores 3, Belgica 2, Lepalam 2, Sangco 0, Young 0, Velasco 0.

Arellano University 77 – Arana 25, Sablan 11, Salado 10, Espiritu 8, Talampas 6, Oliva 6, Alcoriza 5, Santos 5, Concepcion 1, Bayla 0, De Guzman 0. (Aivan Denzel Episcope)