Harden kumpiyansa sa Game 3
Positibo pa rin si James Harden sa kabila ng 117-109 loss ng Houston Rockets sa Los Angeles Lakers sa Game 2 ng 74th NBA 2019-20 West second round.
Umahon mula 67-51 deficit sa halftime ang Rockets, nagpaulan ng siyam na 3s sa third quarter at inagaw pa ang lead 92-90 papasok ng fourth.
Naubusan lang sa dulo at itinabla ng LA ang series sa 1-1.
Basagan ulit ang magkatunggali sa Game 3 ngayon.
Tingin ni Harden, may laban sila sa West top seed.
Mula sa AT&T SportsNet SW:
“We matched their intensity. They came out aggressive and I think we still did a pretty good job when we’ve been down,” ani Harden sa postgame interview.
Napabayaan lang aniya ng Rockets kaya umalagwa ng 20-point run ang LA.
“And against any team, no matter what team it is in this league, it’s just tough to come back down 20-something points, but we did. We gave ourselves a chance so you take away that and it’s a pretty good game.” (Vladi Eduarte)
