Ho gimbal sa bukas sinehan

Gulantang si dating Philippine SuperLiga (PSL) star Gretchen Ho sa pagbubukas ng mga sinehan ngayong panahon ng lockdown kaya hiningan ng panig ng former Petron Blaze Spikers player ang isang epidemiologist at health economist kung sapat ang bentilasyon ng mga sinehan para ‘di magkahawaan sa COVID-19 ang mga manonood.

“Sir, what do you say about reopening cinemas, will fixing ventilation be enough?” usisa ng 30-anyos na dalaga, 5-4 ang taas at tubong Maynila kay health economist Eric Feigl-Ding.

Nitong Lunes pa dapat binuksan ang mga sinehan, pero kinontra ito ng mga mayor sa Metro Manila sa takot na kumalat ang virus kaya naudlot. Inanunsiyo ng Malacañang Palace na iniurong lang ang opening sa March 1 sa rekomendasyon ng National Economic Development Authority (NEDA). (Aivan Denzel Episcope)