John na-scam ng kaibigan

NI: ARCHIE LIAO

May rebelasyong pinakawalan si John Estrada nang matanong siya sa GMA Pinoy TV Quick chat.

Naging topic kung may pagkakataong nawalan siya ng bagay na mahal niya at gusto niya itong bawiin.

Sa interview, sinabi niya na may insidenteng “naisahan”siya ng isang itinuturing niyang kaibigan.

Aniya, nag-invest daw kasi siya sa isang venture ng friend niya pero feeling niya ay na-scam siya.

Sey pa na lang niya, buti na lang daw at nabawi niya ang kanyang puhunan.

Hindi naman pinangalanan ni John kung sino ang tinutukoy niya.

Ang clue na lang niya ay isa raw niya itong dating “kabarkada.”