Abante Tonite
Mabilis sa Balita

Kalei, Alyssa bet sa women’s team

0 181

KURSUNADA ni 2019 Southeast Asian Games bronze medalist at beach volleyball star Dzi Gervacio na mapasama sa national women’s volleyball pool sina skipper Kalei Mau at phenom Alyssa Valdez.

Magugunita na hindi nakadalo sa national team tryouts si Mau dahil sa travel restrictions at pagpalo nito kasama ang Changas de Naranjito volleyball team sa Liga de Voleibol Superior Femenino sa bansang Puerto Rico, habang absent din si Valdez dahil naman sa pag-ingat na mahawa ng coronavirus.

Paliwanag ni Gervacio sa “Volleyball DNA”, “she’s (Kalei) probably on the top of my list kasi siya yung in the previous SEA Games na ‘uy sayang hindi sya nakasali’ but in the pre-SEA Games tournaments nakalaro sya eh. I feel like the team needs someone who’s an ate. Someone senior that could help the situation inside the court. I just wanted to see how she would be like on an international level kasi we see her shine naman in our local tournament. I’m looking forward to seeing her play talaga in the national team.”

SM SuperKidsDay Banner Ad

Bukod kay Mau, asam rin ng beach volleybelle sa national squad sina volleyball stars Alyssa Valdez, Jia Morado at Kim Fajardo dahil “top of my head, sila. It’s the big guns. It’s the big names. I mean they’re stars for a reason and it’s because they’re good and everybody has seen that over time.”

Ngayong taon, inaasahang aaksyon ang national team sa darating na AVC Asian Senior Women’s Championship na gaganapin sa bansa mula Agosto 29 hanggang Setyembre 5 at ang 31st Southeast Asian Games na sisimulan sa Nobyembre sa bansang Vietnam. (Janiel Abby Toralba)

Leave A Reply

Your email address will not be published.