Abante Tonite
Mabilis sa Balita

Kalei bobomba uli sa nat’l team

0 61

Hindi man kasama ang national women’s indoor volleyball team sa ensayo, tuloy naman sa pagpapalakas si Tyler-Marie Kalei Mau para sa paghampas sa 11th AVC Asian Women’s Club Volleyball Championship sa Nakhon Ratchasima, Thailand sa Oct. 1-7.

Papalo ang kasalukuyang nasa Hawaii na dating Philippine Super Liga star sa Team Choco Mucho kasangga sina team skipper Iris Tolenada, Mary Joy ‘Majoy’ Baron, Mylene Paat, Katrina Mae ‘Kat’ Tolentino, Kim Kianna Dy, Deanna Wong, Dawn Macandili, MJ Phillips, Ernestine ‘Tin’ Tiamzon, Ria Meneses at Dell Palomata.

“I am always so grateful to come home and have the resources and people to help me Get Better!” sey ng 26-anyos, 6-2 ang taas na Fil-Am volleybelle sa Instagram post Huwebes. “Not being able to train with the Philippine National team in preparation of the upcoming tournament makes me want to work even harder on my end.”

Ibinahagi rin ni national coach Arthurd ‘Odjie’ Mamon sa online Philippine Sportswriters Association Forum nitong Martes na hindi na makakapag-training pa sa Pilipinas ang dalagang balibolista dahil sa kakapusan ng oras at iniskedyul silang pa-Thailand sa Sept. 27 ng Philippine National Volleyball Federation. (Janiel Abby Toralba)

Leave A Reply

Your email address will not be published.