Abante Tonite Interactive

Kampanya ng PNP vs illegal online games

153

Nag-ambag ng siyam na milyong piso ang PAGCOR sa Philippine National Police kamakailan bilang suporta sa kampanya ng kapulisan laban sa illegal online gambling at pagpapabuti ng pasilidad sa pangangasiwa ng trapiko.

Sa nabanggit na halaga, limang milyong piso ang napunta sa PNP Anti-Cybercrime Group para sa pagbili ng mga computer at ibang kagamitan laban sa internet-based crimes at illegal online gambling.

Ang apat na milyong piso ay inilaan para sa pagbili ng kasangkapang gagamitin ng Highway Patrol Group sa pamamahala ng trapiko at anti-carnapping operations.

Ayon kay PNP-ACG director police Senior Superintendent Marni Marcos Jr., sa pamamagitan ng ayuda ng PAGCOR ay higit nilang mapag-iibayo ang kanilang kampanya kontra ilegal na sugal.

Sinabi naman ni PNP-ACG police Superintendent Jerry Empizo na gagamitin nila ang limang milyong pisong kanilang natanggap sa pagbili ng computer sets, laptop computers, camera, photocopier, at licensed software at hardware para sa digital forensics.

***

Binababati natin ang mga nagwagi sa Uswag Darepdep 2017, ang natatanging timpalak pampanitikan para sa kabataan gamit ang iba’t ibang wika ng Filipinas.

Ang Timpalak Uswag Darepdep ay paligsahan sa pagsulat ng tula at maikling kuwento para sa kabataang edad 12-17. Nagtatampok ng apat na iba’t ibang wika bawat taon.

Ang mga nagwagi, ay ang sumusunod:

Sa Kapampangan: Maikling kuwento – Darrel Sanchez para sa “Gintung Gracia” (unang gantimpala); Carl Dave Santos para sa “Ing Pamanyulapagpo Que Tune Mong Sarili” (ikalawang gantimpala); at Kisses Manalo para sa “Aldo King Dalumdum” (ikatlong gantimpala).

Tula – Janrey Chester Gomez para sa “Pamuntok” (unang gantimpala); Christianne NicoleGiron para sa “Kop­ra, Mais at Palay” (ikalawang gantimpala); at Angelica Sibal para sa “Crisotan” (ikatlong gantimpala).

Ibaloy: Maikling Kuwento – Misty Joy Tam-awen para sa “Sota Makina Nën Nanang” (unang gantimpala); Javier Galac para sa “Ayat Tan Namnaman Na’y Bulos” (ikalawa); at Joefrey Toriano para sa “Ngantoy Kavol Na Shibaley Ni Bi-i Pengisi-Chaan Shani Kalon”(ikatlo).

Tula – Avemichi A. Kilaban para sa “Adivay” (unang gantimpala); Kertney M. Balagsa para sa “Biyag ni Aysshi’y Anak” (ikalawang gantimpala); at Charlote Celo para sa “Eskweda Jën Medigdigat” (ikatlong gantimpala).

Waray: Maikling kuwento – Van Raymond M. Ganaba para sa “ Duha Nga Kalibutan” (unang gantimpala); Rocajane C. Salac para sa “Pama-agini Blogger” (ikalawa); at Kelly Jean Paolo M. Calapano para sa “Tugtog” (ikatlo).

Tula- Renz Louie C. Caliwan para sa “Pagbulay” (unang gantimpala); Johani T. Ceblano para sa “Pagsunod Han Uso” (ikalawa); at Dennis A. Carolino para sa “An Ato Makagarahom Nga Ginoo” (ikatlong gantimpala).

Bahasa Sug: Maikling kuwento- Darwisa J. Sahali para sa “Putli’ Bar’ Akkal” (unang gantimpala) at Mershayna J. Sintin para sa “Maas’ Miskinan” (ikalawang gantimpala).

Ang mga nagwagi ay pagkakalooban ng medalya at salapi: PHP15,000 sa unang gantimpala; PHP10,000sa ikalawang gantimpala, at PHP5,000 sa ikatlong gantimpala. Ang araw ng gawad ay ipagbibigay-alam sa mga nagwagi at sa website ng KWF (www.kwf.gov.ph)